عاجل الى ملك القلوب (ابومتعب )

[الساحل الشرقي]

بدون مقدمات او فلسفه اظغط على الرابط واستمع واقراء القصيده
http://www.bh2day.net/medialoader/midi2/ashaaaam.rm
ياليت عندي فـي رصيـدي ملاييـن
وادخل بها في سوق الاسهم علاشـان
=
ارفع بها الشركـات وانقـذ مساكيـن
تعلقـوا تعليقتـن شانـهـا شــان
=
طبوا وهم صاحين وامسـوا مجانيـن
يمشون بالشارع ومن غيـر حذيـان
=
توهقـوا توهيقتـن فالهـا شـيـن
وبعض الهقاوي تجعل الشخص عميان
=
خسروا 00وروس اموالهم كلها ديـن
مدبولتـن تدبيـل مـن عنـد ديـان
=
والبيـت مليـان ٍ حريـم ووراعيـن
مصروفهـم يقطـع قويـات الامتـان
=
صاروا من صدوف الليالـي حزينيـن
لاوالله الا 00 روحوا في خبـر كـان
=
راحوا ضحايا فـي يديـن الخبيثيـن
شلـة هواميـر ٍ تلاعـب بالاذهـان
=
تنهب دراهم شعـب مثـل الشياطيـن
وترفع سهم شركه ولو كان خسـران
=
لكن انـا بنخـى زعيـم السلاطيـن
بو متعب اللـي للصعيبـات مزبـان
=
وانخى ولي العهـد سقـم المعاديـن
عضيد ابو متعـب ويمنـاه سلطـان
=
ملوكنـا نفخـر بـهـم فالميـاديـن
اهل الوفـا وافعالهـم خيـر برهـان
=
إلكم ولا 00 والكم غلا 00 يالعزيزين
غلا حقيقـي مايجـي فيـه نقصـان
=
تبصـروا فـي سوقنـا يالميامـيـن
لابـد يرجـع سوقنـا زي مـاكـان
=
لاهان ابو متعـب زعيـم الشجيعيـن
صقـر العروبـه للشكـالات عنـوان
=
اللي مشى حبـه بوسـط الشراييـن
محزم ظهر شعبه على كـل الازمـان
=
له فزعتن تشهد بها الهنـد والصيـن
غيث ٍ على كل المناطـق والاوطـان
=
تكفا يابـو متعـب ترانـا مصابيـن
افـزع لنـا يامسنـدي ياكحـيـلان
=
من سوق الاسهم صابنا الهم والبيـن
والقلب من شغل الهواميـر مرضـان
=
احمرت الشركـات واحمـرت العيـن
امن النظر في شاشة ٍ كلهـا احـزان
=
سوقك يابو متعب يبي دعمك الحيـن
عوايـدك فعـل المكـارم والاحسـان
..........الساحل الشرقي ,,,,,,,,,

[قرقز]

الله لا يجـزاك ياسـوق بالخـيـر=أنا اشهد انـه راح مالـي خسـارة
عوّدت اجر الصوت عقب المخاسير=واقول انـا مالـي ومـال التجـارة
اصبحت عقب المال مديـون للغيـر=وعقب الجيوب اصبحت راكب غمارة
والراس شيّب واشتغـل بالتفاكيـر=والفقر في بيت الغنـا شـب نـاره
والراتب أقسـاط وايجـار وفواتيـر=لاعندي ارض ولا بملكـي عمـارة
رحنا ضحايا فـي يديـن الهواميـر=الحـظ تـارة والهواميـر تــارة
في سوقنا الغاشـم أكلنـا خوابيـر=سوقٍ مع الهزة تناثـر غبـاره
الشعب صاروا في صفوفه طوابيـر=لكنـه أعلـن للجميـع إنهـيـاره
هـذي زراعيـة وهذيـك تعمـيـر=طاحت مثل ما طاح بـرج التجـارة
قلنا يبي له وقـت ويصيـر تغييـر=يرتـد وضعـه ويتعـدل مـسـاره
لكن تعلقنا ... ويالله عسـى خيـر=مادام راسك حـي مابـه خسـارة
هذه أشكال الشعب عند متابعة المؤشرأضغط هنا (http://www.ojqji.net/vb_pic/econo.swf)

شكرأ للساحل الشرقي على هذه القصيده
والله يعوض على جميع أخواننا المسلمين الذين خسرو في هذه الاسهم

[صالح بن عبدالله بن رداد]

تسلم اخوى الساحل الشرقى
وصح لسان الشاعر ولابد من تدخل الملك

[الساحل الشرقي]

المبدع (قرقز )
المشرف المميز(الاماكن )

تسلمون على المرور والتعليق الذي اضاف الى الموضوع لمسة
ابداع من اناملكم الراقيه دائما.
http://www.moq3.com/pics/up_06/i_01_12_06/4d89097ac2.jpg
..........الساحل الشرقي ........

[ابو خالد]

الساحل اهلا وسهلا والسهوم والله ما درى عنها وانه ما عاد يسدر ريال والمواشر الي 5000

ثم يظهرون به مرة ثانيه وهذي ونا خوك اي سوق في العالم له من 8 سنوات الي 10 سنوات

دوره فسوقنا اخذ دوره ورجع وبيصل خمسه الف وعليها شويه ثم يرجع وليس عبا قبل ولاكن

يبدى في دوره جديده الله واعلم عنها والان باقي لنزول بقيه وينا الي المسامع والله يثبة وعفاك

[الوزير]

الله يعطيك العافية يابو خالد

ويسلم قرقز
والحمدلله مالي فيه الا اشوف الضعوف المساكين

وماقول غير الله يسلط للمساكين سلطان
يلحق ضحية سهوم حمر ويزيد عبدالله

[الساحل الشرقي]

ابوخالد
الوزيــــــــر
الله يعوض عليكم وعلينا واهم شي الستر والعافيه
واذا شفتوني ابيع مويه بارده عند الاشارات في الصيف لاتستغربون
..........الساحل الشرقي ,,,,,,,,,

[الساحل الغربي]

مشكور يا اخويه الله يعطيك العافيه

[المقام السامي]

الساحل الشرقي تسلم والله

والله يكون بعون كل من فقد امواله في سوق الظلم