المساعد الشخصي الرقمي

مشاهدة النسخة كاملة : قصيده شى لاتفوتكم ياهوامير


صالح بن عبدالله بن رداد
05-31-2006, 09:04 AM
بسم الله الرحمن الرحيم
السلام عليكم ورحمة الله وبركاته



هذه القصيدة بعد الإنهيار الأخيرللأسهم





الله لا يجـزاك ياسـوق بالخـيـر

أنا اشهد انـه راح مالـي خسـارة

عوّدت اجر الصوت عقب المخاسير

واقول انـا مالـي ومـال التجـارة

اصبحت عقب المال مديـون للغيـر

وعقب الجيوب اصبحت راكب غمارة

والراس شيّب واشتغـل بالتفاكيـر

والفقر في بيت الغنـا شـب نـاره

والراتب أقسـاط وايجـار وفواتيـر

لاعندي ارض ولا بملكـي عمـارة

رحنا ضحايا فـي يديـن الهواميـر

الحـظ تـارة والهواميـر تــارة

في سوقنا الغاشـم أكلنـا خوابيـر

سوقٍ مع الهزة تناثـر غبـاره

الشعب صاروا في صفوفه طوابيـر

لكنـه أعلـن للجميـع إنهـيـاره

هـذي زراعيـة وهذيـك تعمـيـر

طاحت مثل ما طاح بـرج التجـارة

قلنا يبي له وقـت ويصيـر تغييـر

يرتـد وضعـه ويتعـدل مـسـاره

لكن تعلقنا ... ويالله عسـى خيـر

مادام راسك حـي مابـه خسـارة
:1 (11):

الدربيل
05-31-2006, 12:14 PM
مادام راسك حـي مابـه خسـارة


ومشكور ويعطيك العافيه
ودمتتتتم بدون خساير

صالح بن عبدالله بن رداد
05-31-2006, 01:19 PM
خلها على الله
:1 (33):
بس لاتعلم احد
مشكور لاعدمناك

.. صــمــرقــع ..
05-31-2006, 03:36 PM
..
..
العوض من الله :)
..
..
..
صح لسان القايل ويعطيك العافيه
..
..

صالح بن عبدالله بن رداد
05-31-2006, 08:00 PM
ومن يقول شكله اكلها الى الكوع الله يعينه

ابو خالد
06-01-2006, 02:43 AM
يعطيك العافيه

بن دربي
06-01-2006, 01:26 PM
الله يعوضنا وياكم بخير والسوق شكله انهي التصحيح الي يقولون

صالح بن عبدالله بن رداد
06-01-2006, 07:23 PM
الوافى وبن دربي مشكورين والله يعوض الجميع

المداني
07-18-2006, 03:23 PM
يامليك العرب ساس العدل والإنصــــافي*** شعبك المخلص ترى حبك بدمه جــــــــاري
الغني من شعبك امس اليوم يمشي حافـــي***مابقيله نقد لاجاري ولا استثمــــــــــــاري
هيئة السوق العزيزه مصدر الإرجـ ــافي***كلما السوق ارتفع ردوه تحت حــــــــــداري
انهيار السوق خطه صاغها العسافــــــي***ونفذت بالحرف من جماز والسيـــــــــــاري
شكلو ثالوث مســرف أيما إسرافــــــــي***في حلال المسلمين بحمق واستكبـــــــــــاري
واضحه كالشمس مايبغا لها عرافــــــــي***وانبرى ابن الزوم عنهم يحمل الأسفــــــاري
لاتصدقهم تراهم منهم الإجحافــــــــــــي*** اصبح الخصم الحكم يقتل بنا ويثـــــــــاري
يرفعون الك القيادي شوف ياشوافـــــــي*** والزراعي والخدماتي نزول إجبـــــــــاري
والبرنس الي بنا لبنان جانا لافــــــــــــي*** وسن وصف المحترم عبر الخطاب النـاري
والقيادي محترم واما الدريس سنافـــــــي*** وما بقي مش محترم واجتاحه الإعصـــاري
والعربيه تطبل والضيوف ظرافـــــــــي*** والشبكشي ينتقيهم زين بالمعيـــــــــــــاري
والجزيره كبرتها وقالت الها اطرافــــــي***واستضافة سعد والمسفر وعبد البـــــــاري
اخرس ابواق الحسد يامخرس القذافـــــي*** وانصر الشعب العظيم الكاتم الصبــــــاري
مالحقنا شك فيكم يااشرف الأشرافـــــــي***ياولاة الأمر أبنا وافي الأشبــــــــــــــاري

صالح بن عبدالله بن رداد
07-18-2006, 04:30 PM
شكرا على مرورك